मोहिनी...

इतकं प्रेम करतोस माझ्यावर,
असं काय पाहिलंस माझ्यात?

तुझे डोळे...
पहिल्यांदा जेव्हा तुझ्या डोळ्यांत पाहिलं ना,
तेव्हाच उमगलं...
Ray ban चे ग्लासेस वापरतेस तू...

तुझा कापसासारखा मऊ हात हातात घेतला ना,
तेव्हा समजलं...
Rado च्या घड्याळाची इतकी craze का आहे ते...

तुझे वाऱ्यासवे उडणारे केस जेव्हा तू कानामागे घेतेस ना,
किती छान दिसतेस...
अगदी तुझ्या कानातल्या De Beers च्या मोत्यांसारखी...

तुला कवेत घेताच,
मोहून टाकणारा armani चा सुगंध...
आणि तुझ्या गुलाबी ओठांच्या वर,
L'OREAL kohl ने काढलेला इवलासा तीळ...

तुझं सौंदर्य मलाच नाही, साऱ्या दुनियेला मोहिनी घालतात...
रुपड्याच्या ह्या बाजारात भावनांना हि आजकाल लेबलं लावतात...

~ अरुण भऊड