तुझ्या असण्यातच एक हुरूप
तुझ्या नसण्याने मैफल कुरूप...
तुझी देहबोली सांगते एक...
पण तुझ्या मनात गोष्टी अनेक...
आयुष्य कसे जगायचे,
हे तुझ्याकडूनच शिकायचे...
शीण कंटाळा अन टेन्शन,
कसे क्षणात झटकून टाकायचे...
इतरांचं अधिकार गाजवणं,
कसं bossing वाटतं...
तुझं तसं वागणं,
मात्र आपलंसं वाटतं...
इतरांचे साखरेत घोळलेले बोल,
जिव्हाळा देत नाहीत...
तुझ्या चार थापडा खाल्या जरी,
त्याचं काहीच वाटत नाही...
सतत एकलव्यासारखं दुरून,
तुझ्याकडून काहीतरी घेत राहिलो...
तुझ्याकडून मिळलेलंच...
तुला नव्याने परत देत राहिलो...
दूर असू वा जवळ,
सतत तुला भेटत राहू...
वाढदिवासाखेरीज
रोजच तुला आठवण राहू...
~ अरुण भऊड...
No comments:
Post a Comment