जगावेगळा...

तू गोरा... मी काळा-सावळा
तू सुटा-बुटात... मी गबाळा...
बाहेरून तू निराळा मी निराळा...
पण आतमध्ये माणूसच तळाला...

ट्रेन माझी हि miss होते, तुझी हि...
सर्दी मला हि होते, अन तुलाही...
BEER चढते मलाही, आणि तुलाही...
सुंदर मुलगी दिसताच, वळते मान माझीही अन तुझीही...

उच्चार नाहीत कळत तुझे मला, आणि माझे तुलाही...
अळणी जेवण तुझेही रुचत नाही मला आणि माझे तिखट तुलाही...
नवीन चप्पल टोचते माझ्या पायाला अन शूज तुझ्याही...
ओठावर हसू अन मनात मात्र सल तीच माझ्याही, अन तुझ्याही...

फॅमिली तुलाही अन कुटुंब मलाही...
मला मूल लग्नानंतर, तुला लग्नाआधी...
तुझ्या pram मधले बाळ माझ्याकडे पाहून हसते अन माझ्या कडेवरचे तुला पाहून...
चुकल्या चुकल्या सारखे वाटते सतत मलाही आणि तुलाही, फॅमिली पासून दूर राहून...

फिरंगी म्हणून तू कुणी नाहीस वेगळा...
आणि indian म्हणून मी जगावेगळा...
कदाचित तू पाण्यातला बगळा आणि मी फांदीवरला कावळा...
सरतेशेवटी तुझ्यातला gentleman आणि माझ्यातला 'माणूस' भावला एकमेकाला...

~ अरुण भऊड